2 Comments

  1. Attilio Bianchi
    28 Aprile 2010 @ 09:38

    Caro Danilo, ei fato ‘n bruto sogno, me son ‘nsuniou che ero inte da la cascata de la Madoneta ( chela che a betesto Ernestino ‘nte la croda), chela splendida cascata che toma ‘nte na poza de aga fresca, che sote la cascata la rua a ese auta circa 1 mt., contorniada da na vegetazion quasi sub-tropicale.
    Par capise meo 50 mt. sul troi pi ‘n inte de l’ aquedoto de la comunità a faè-veleza.A ‘n zerto punto son là che fazo al solito bagneto estivo, par godeselo vo che sea ‘na dornada ciauda, zack…grung…stomp….no rua pi l’ aga…..slargo i braze me volto e vardo la Madoneta, la Madoneta slarga i braze la se volta e la me varda come di …e ka kè suziedelo?…….e là me desedo……Visto che te a pi pratega de me riguardo al teritorio e spero su la specifica colocazion de la centralina, te domando; centrelo algo la centralina de Veleza con la cascata de la madoneta? Spero proprio de no.
    ‘Ntanto grazie e bona autonomia.

  2. Danilo De Martin
    28 Aprile 2010 @ 11:19

    Caro Tilio, no ei visto i progete e quindi no sei la colocazion precisa dele opere. Però l sindaco e davoi finì al plastico, lo fa lui da da siera par rilasase, come chel de Loreto, e tra n tin al dovarae rendelo publico. Credo però che baste domandà al nostro UT par savé algo de pì. Anche a mi chel posto me piase e ei zercou de valorisalo netando ane fa l’area dela cascata dale bruse … po avon fato (Piero de Mió) na bela bancia de laris che però n brentanon ne a portou via (almanco spero che sea stou n brentanon). Ei anche fato l’Anello delle Sorgenti che pasa da la Madoneta va su sul Masaré e torna do pa la vasca dela sorgente de Faé (se te vos dà n ociada Anello delle Sorgenti).

    No sei se ala devozion cristiana, che l à de seguro, l sindaco abie anche chela “Mariana”; resta l fato che pai chilovat (kW) … non c’è Cristo che tenga (e anche so mare me sa che la conte pocio). Io credo (vado a sensazion, te ripeto) che ala base dela cascata o pocio pi n do vegne l’opera de presa de la centraluta … N te sto caso la Madona la sarae salva. No sei nvenzi pal to bagno. Me sa che la spiagiuta, agnó che era la bancia, la cambiarae frusomia. Vedo de nformame meo … Ntanto eco calche foto (par chi che no à pratega, la Madoneta l é subito a destra del pisandol).